ಬೆಂಗಳೂರು:ದೇಶದ ಪ್ರಮುಖ ಜೀವವಿಮಾ ಕಂಪನಿಯಾಗಿ ಪಿಎನ್ಬಿ ಮೆಟ್ಲೈಫ್, ಇಂದು ಬೆಂಗಳೂರಿನಲ್ಲಿ ನಾಲ್ಕನೇ ಆವೃತ್ತಿಯ ಜೂನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ಗೆ ಬೆಂಗಳೂರಿನಲ್ಲಿ ಚಾಲನೆ ನೀಡಿತು.
ಈ ಟೂರ್ನಿಯು ರಾಷ್ಟ್ರೀಯ ಮಟ್ಟದ ಮುಕ್ತ ಟೂರ್ನಿಗಳಲ್ಲಿ ದೊಡ್ಡ ವೇದಿಕೆಯಾಗಿದ್ದು, ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಸಹಯೋಗದಲ್ಲಿ ನಡೆಯುತ್ತಿದೆ. ನಾಲ್ಕು ದಿನಗಳ ಟೂನಿರ್ಯಲ್ಲಿ ಮೊದಲ ದಿನ 900ಕ್ಕೂ ಅಧಿಕ ಯುವ ಆಟಗಾರರು ಈ ಸ್ಪರ್ಧೆಯಲ್ಲಿ ಭಾಗಿಯಾಗುವರು. ನಾಲ್ಕನೇ ಆವೃತ್ತಿಯ ಪಂದ್ಯಾವಳಿಯು ಹೆಚ್ಚು ಆಕರ್ಷಕವಾದ ಬ್ಯಾಡ್ಮಿಂಟನ್ ಸ್ಪರ್ಧೆ, ಹೋರಾಟಗಳಿಗೆ ಸಾಕ್ಷಿಯಾಗಲಿದೆ.
ಈ ವರ್ಷ ಜೆಬಿಸಿಯು ಇನ್ನಷ್ಟು ದೊಡ್ಡ ಸ್ವರೂಪದ್ದಾಗಿದ್ದು, ಚಂಡೀಗಡ, ಬೆಂಗಳೂರು, ಕೊಚ್ಚಿ, ಲಖನೌ, ಪುಣೆ, ಮುಂಬೈ, ಕೋಲ್ಕೊತ್ತಾ, ಹೈದರಾಬಾದ್, ಗುವಾಹಟಿ, ನವದೆಹಲಿಯಲ್ಲಿ ನಡೆಯಲಿದೆ. ಪಂದ್ಯಗಳನ್ನು 9, 11, 13 ಮತ್ತು 15 ವರ್ಷ ವಯಸ್ಸಿನೊಳಗಿನ ಬಾಲಕರು ಮತ್ತು ಬಾಲಕಿಯರ ವಿಭಾಗದಲ್ಲಿ ಅಯೋಜಿಸಲಾಗುತ್ತದೆ. ಪ್ರತಿ ಗುಂಪಿನಿಂದ ಇಬ್ಬರು ನವದೆಹಲಿಯಲ್ಲಿ ಆಗಸ್ಟ್ 9, 10ರದು ನಡೆಯುವ ರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಅರ್ಹತೆ ಪಡೆಯುವರು.
ರಾಷ್ಟ್ರೀಯ ಮಟ್ಟದ ಟೂರ್ನಿಗೆ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಆಫ್ ಇಂಡಿಯಾ (ಬಿಎಐ) ಮಾನ್ಯತೆ ನಿಡಿದ್ದು, ಕಳೆದ ನಾಲ್ಕು ವರ್ಷಗಲ್ಲಿ ಈ ಟೂರ್ನಿಯು ಹೆಚ್ಚಿನ ಬಲ ಪಡೆದುಕೊಂಡಿದೆ.
ಪಡುಕರೆ ಸ್ಪೋರ್ಟ್ಸ್ ಮ್ಯಾನೇಜ್ ಮೆಂಟ್ ಪ್ರೈವೇಟ್ ಲಿಮಿಟೆಡ್ ಸಿಇಒ ವಿಜಯ್ ಲ್ಯಾನ್ಸಿ ಮಾತನಾಡಿ, ಯುವ ಸ್ಪರ್ಧಿಗಳಲ್ಲಿ ಇರುವ ಉತ್ಸಾಹ, ಆಸಕ್ತಿಯನ್ನು ಗಮನಿಸಿದಾಗ ನನಗೆ ಭಾರತದಲ್ಲಿ ಬ್ಯಾಡ್ಮಿಂಟನ್ ಟೂರ್ನಿಗೆ ಭವಿಷ್ಯ ಇರುವ ಕುರಿತು ಭರವಸೆ ಮೂಡಿದೆ. ಪಿಎನ್ಬಿ ಮೆಟ್ಲೈಫ್ ಜೂನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಪ್ರತಿಭಾನ್ವಿತ ಮಕ್ಕಳಿಗೆ ವೇದಿಕೆ ಒದಗಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಿದೆ. ಇದು, ಭಾರತೀಯ ಆಟಗಾರರು ಜಾಗತಿಕವಾಗಿ ವಿವಿಧ ವೇದಿಕೆಗಳಲ್ಲಿ ಪರಿಣಾಮಕಾರಿ ಸ್ಪರ್ಧೆ ನೀಡಲು ಸನ್ನದ್ಧರಾಗಿಸಲಿದೆ’ ಎಂದು ಹೇಳಿದರು.
ಬಿಎಐ ಅಧ್ಯಕ್ಷ ಹಿಮಾಂತಾ ಬಿಸ್ವಾ ಶರ್ಮಾ ಮಾತನಾಡಿ, ನಾವು ಪಿಎನ್ಬಿ ಮಟ್ಲೈಫ್ ಜೂನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ (ಜೆಬಿಸಿ) ಜೊತೆಗೆ ಸಹಯೋಗ ಹೊಂದಿದೆ. ಈ ಕಾರ್ಯಕ್ರಮದ ಮೂಲಕ ಯುವ ಮಕ್ಕಳು ಈಗ ತಮ್ಮ ಕೌಶಲವನ್ನು ಬ್ಯಾಡ್ಮಿಂಟನ್ ಕನಸುಗಳನ್ನು ಈಡೇರಿಸಿಕೊಳ್ಳಬಹುದು. ಈಂಥ ವೇದಿಕೆಗಳು ದೇಶದ ವಿವಿಧೆಡೆ ಪ್ರತಿಭಾನ್ವಿತರಿಗೆ ಉತ್ತೇಜನ ನಿಡಲಿದೆ’ ಎಂದು ಹೇಳಿದರು. ಬೆಂಗಳೂರು ನಂತರ ಜೆಬಿಸಿ 4 ಕೊಚ್ಚಿ, ಲಖನೌದಲ್ಲಿ ನಡೆಯಲಿದೆ ಎಂದರು.
ಪಂದ್ಯಾವಳಿಯ ವೇಳಾಪಟ್ಟಿ ಇಲ್ಲಿದೆ:
01 ಚಂಡೀಗಡ ಮೇ 24- 26
02 ಬೆಂಗಳೂರು ಜೂನ್ 24-28
03 ಕೊಚ್ಚಿ ಜೂನ್ 30-ಜುಲೈ 2
04 ಲಖನೌ ಜೂನ್ 30 –ಜುಲೈ 2
05 ಪುಣೆ ಜುಲೈ 3-6
06 ಮುಂಬೈ ಜುಲೈ 6-10
07 ಕೋಲ್ಕೊತ್ತಾ ಜುಲೈ 8-10
08 ಹೈದರಾಬಾದ್ ಜುಲೈ 12-15
09 ಗುವಾಹಟಿ ಜುಲೈ 14-16
10 ದೆಹಲಿ ಜುಲೈ 17-21
11 ದೆಹಲಿ ಫೈನಲ್ ಆಗಸ್ಟ್ 9-10
