ಹೈದರಾಬಾದ್: ಆಸ್ಪತ್ರೆಯಿಂದ ಮಗು ಕಳವು ಪ್ರಕರಣ ಇಂದು ಸುಖಾಂತ್ಯಗೊಂಡಿದ್ದು, ಹಸುಗೂಸು ತಾಯಿಯ ಮಡಿಲು ಸೇರಿದೆ.
ವಿಜಯಾ ಎಂಬ ಮಹಿಳೆ ಕಳೆದ ಜೂನ್ ೨೭ ರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು.ಮಗುವಿಗೆ ಕೋಟಿ ಹೆರಿಗೆ ಆಸ್ಪತ್ರೆಯಲ್ಲಿ ಲಸಿಕೆ ಹಾಕಿಸಲು ಹೋದಾಗ ನೀಲಿ ಬಣ್ಣದ ಸೀರೆ ಉಟ್ಟ ಇನ್ನೊಬ್ಬ ಮಹಿಳೆ ತಾಯಿ ಬಳಿಯಿದ್ದ ಮಗುವನ್ನು ಕಿಡ್ನಾಪ್ ಮಾಡಿದ್ದಳು.
ಮಗ ಅಪಹರಣ ಮಾಡಿದ ಮಹಿಳೆಯ ಬೆನ್ನತ್ತಿದ ತೆಲಂಗಾಣಾ ಪೊಲೀಸರು ಬೀದರ್ ನಲ್ಲಿ ಹುಡುಕಾಟ ನಡೆಸಿದ್ದರು. ಆದರೆ, ಇಂದು ಬೆಳಗಿನ ಜಾವ ಹೈದರಬಾದ್ ನಲ್ಲಿ ಮಗು ಪತ್ತೆಯಾಗಿದ್ದು, ಪೊಲೀಸರು ಮಗುವನ್ನು ತಾಯಿ ಮಡಿಲಿಗೆ ಹಾಕಿದ್ದಾರೆ.
ತಾಯಿ ವಿಜಯ ಸೇರಿ ಕುಟುಂಬಸ್ಥರಲ್ಲಿ ಸಂತಸ ಮನೆಮಾಡಿದ್ದು, ಮಗುವನ್ನು ಹುಡುಕಿ ಕೊಟ್ಟ ಪೊಲೀಸರಿಗೆ ಧನ್ಯವಾದ ಅರ್ಪಿಸಿದ್ದಾರೆ. ಇನ್ನೊಂದೆಡೆ ಮಗು ಕಿಡ್ನ್ಯಾಪ್ ಮಾಡಿದ ಮಹಿಳೆಗಾಗಿ ಪೊಲೀಸರಿ ಶೋಧ ನಡೆಸುತ್ತಿದ್ದಾರೆ.
- Call for authors -