ಬೆಂಗಳೂರು: ಖ್ಯಾತ ಮನೋಶಾಸ್ತ್ರಜ್ಞೆ, ಡಾ. ರೂಪಾ ಲಕ್ಷ್ಮೀಪತಿ ರಾವ್ ಅವರ ನೋಬಲ್ ಇನ್ಟಿಟ್ಯೂಟ್ ಆಫ್ ಎಜುಕೇಶನ್ ಸೊಸೈಟಿಗೆ ರಾಷ್ಟ್ರ ಪ್ರಶಸ್ತಿಯ ಗೌರವ ಲಭಿಸಿದೆ.
ಎಂಎಸ್ಎಂಇ ಹಾಗೂ ನವೋದ್ಯಮ ಶೃಂಗ ಸಭೆಯ ಎರಡನೇ ಆವೃತ್ತಿಯಲ್ಲಿ, ದೇಶದ ಅತ್ಯಂತ ನಂಬಿಕಸ್ಥ ಶಿಕ್ಷಣ ಬ್ರಾಂಡ್ ಎಂಬ ಪ್ರಶಸ್ತಿಗೆ ಸಂಸ್ಥೆ ಪಾತ್ರವಾಗಿದೆ. ಟೈಮ್ಟುಲೀಪ್ ಸಮಾರಂಭದಲ್ಲಿ ಈ ಪ್ರಶಸ್ತಿ ಘೋಷಿಸಲಾಯಿತು. ಈ ಪ್ರಶಸ್ತಿಗೆ ಭಾಜನರಾಗಿರುವ ರಾಜ್ಯದ ಮೊದಲ ಸಂಸ್ಥೆ ಇದಾಗಿದೆ.
ಡಾ. ರೂಪಾ ಅವರ ಅನೂಹ್ಯ ಬೇಸಿಗೆ ಶಿಬಿರ ಈ ಹಿಂದೆ ವಿಶ್ವ ದಾಖಲೆಗಳ ಪಟ್ಟಿಯಲ್ಲಿ ಸೇರಿದ್ದನ್ನು ನಾವಿಲ್ಲಿ ಸ್ಮರಿಸಬಹುದು.
2003ರಲ್ಲಿ ಆರಂಭವಾದ ನೋಬಲ್ ಎಜುಕೇಶನ್ ಸಂಸ್ಥೆ, ನಮ್ಮ ರಾಜ್ಯದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳಲ್ಲೊಂದು. ದೇಶದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳು, ವಿಶ್ವ ವಿದ್ಯಾನಿಲಯಗಳೊಂದಿಗೆ, ದೂರ ಶಿಕ್ಷಣ, ನಾನಾ ಸರ್ಟಿಫಿಕೇಟ್ ಕೋರ್ಸ್ ನೀಡುವ ಸಂಬಂಧ ಸಂಸ್ಥೆ ಒಪ್ಪಂದ ಮಾಡಿಕೊಂಡಿದ್ದು, ಸಾವಿರಾರು ವಿದ್ಯಾರ್ಥಿಗಳು ಇದರ ಸದುಪಯೋಗ ಪಡೆದುಕೊಂಡಿದ್ದಾರೆ.
ರೂಪಾ ಅವರು ಮಕ್ಕಳ ತಜ್ಞೆಯಾಗಿ, ಕೌಶಲ ತರಬೇತು ಸಂಪನ್ಮೂಲ ವ್ಯಕ್ತಿಯಾಗಿ, ರಾಜ್ಯ-ರಾಷ್ಟ್ರಮಟ್ಟದಲ್ಲಿ ಹೆಸರು ಮಾಡಿದ್ದಾರೆ.
