ಬೆಂಗಳೂರು: ಸಿಸ್ಕೊ ಅಭಿವೃದ್ಧಿಪಡಿಸಿರುವ ವೈದ್ಯರು ದೂರದಿಂದಲೇ ರೋಗಿಗೆ ತಂತ್ರಜ್ಞಾನದ ಮೂಲಕ ಚಿಕಿತ್ಸೆ ನೀಡಬಹುದಾದ ಐಸಿಯು ಟೆಲಿಕಾರ್ಡ್ ಗೆ ರಿಮೋಟ್ ಮೂಲಕ ಆರೋಗ್ಯ ಸಚಿವ ಶ್ರೀರಾಮುಲು ಚಾಲನೆ ನೀಡಿದರು.
ಬಾಲಬ್ರೂಹಿ ಅತಿಥಿ ಗೃಹದಲ್ಲಿ ಯೋಜನೆಗೆ ಚಾಲನೆ ನೀಡಿದ ರಾಮುಲು ನಂತರ ಪತ್ರಿಕಾಗೋಷ್ಠಿ ನಡೆಸಿದರು.ವೈದ್ಯರ ಆರೋಗ್ಯ ಉಳಿಸಬೇಕು ಅಂದ್ರೆ
ಈ ತಂತ್ರಜ್ಞಾನದ ಅವಶ್ಯಕತೆ ಇದೆ. ಇದನ್ನು ಎಲ್ಲಾ ಆಸ್ಪತ್ರೆಗಳಲ್ಲಿ ಕೂಡ ಮಾಡಬೇಕು.ಈ ಬಗ್ಗೆ ಟಾಸ್ಕ್ ಪೋರ್ಸ್ ಸಭೆಯಲ್ಲಿ ಚರ್ಚೆ ಮಾಡಿ, ಎಲ್ಲಾ ಆಸ್ಪತ್ರೆಗಳಲ್ಲಿ ಕೂಡ ಇದನ್ನು ಬಳಕೆ ಮಾಡಲು ಚರ್ಚೆ ಮಾಡುತ್ತೇವೆ.ಸದ್ಯ ಈಗ ಒಂದನ್ನು ವಿಕ್ಟೋರಿಯ ಹಾಗು ಕೆ ಸಿ ಜನರಲ್ ಆಸ್ಪತ್ರೆಯಲ್ಲಿ ಹಾಕಲಾಗಿದೆ ಎಂದು ಸಚಿವರು ಹೇಳಿದ್ದಾರೆ.
ಶವಗಾರದಲ್ಲಿ ಕೊರೋನಾ ಟೆಸ್ಟ್ ಆಗದೆ ಶವ ಕೊಡ್ತಾ ಇಲ್ಲ ಅನ್ನೋ ದೂರು ಇದೆ.ಇದಕ್ಕೆ ಟೆಸ್ಟಿಂಗ್ ಲೋಡ್ ಜಾಸ್ತಿಯಾಗ್ತಾ ಇರೋದು ಕಾರಣ.ತಜ್ಞರೂ ಈ ಬಗ್ಗೆ ನಿನ್ನೆ ಸಿಎಂ ಜತೆ ಚರ್ಚೆಯಲ್ಲಿ ತಿಳಿಸಿದ್ದಾರೆ.ಅದಕ್ಕೆ ಇನ್ನೂ ಹೆಚ್ಚಿನ ಲ್ಯಾಬ್ ಮಾಡಲು ಸಿಎಂ ಆದೇಶ ನೀಡಿದ್ದಾರೆ.ಇನ್ನು ಮುಂದೆ ಈ ಸಮಸ್ಯೆ ಆಗೋದಿಲ್ಲ ಎಂದರು.
ಪ್ಲಾಸ್ಮಾ ಥೆರಪಿ ಎಲ್ಲಾ ಜಿಲ್ಲೆಗಳನ್ನು ಮಾಡಲು ತೀರ್ಮಾನ ಮಾಡುತ್ತಿದ್ದೇವೆ.ವಾರ್ಡ್ ಗೆ 2 ಅಂಬ್ಯುಲೆನ್ಸ್ ಮೀಸಲಿಡಲು ಸಿಎಂ ಸಭೆಯಲ್ಲಿ ತೀರ್ಮಾನ ಆಗಿದೆ.ಇನ್ನು ಮುಂದೆ ಯಾವುದೇ ಸಮಸ್ಯೆ ಯಾಗುವುದಿಲ್ಲ
ಕಡಿಮೆಯಾದ್ರೆ ಬಾಡಿಗೆಗೆ ತೆಗೆದು ಕೊಳ್ಳುತ್ತೇವೆ ಎಂದರು.
ಬಳ್ಳಾರಿಯಲ್ಲಿ ಎಲ್ಲೆಂದರಲ್ಲಿ ಶವಗಳನ್ನು ಎಸೆದವರನ್ನು ಸಸ್ಪೆಂಡ್ ಮಾಡಲಾಗಿದೆ.ಯಾದಗಿರಿಯಲ್ಲಿ ನೋಟಿಸ್ ನೀಡಲಾಗಿದೆ. ಇನ್ನು ಮುಂದೆ ಈ ಸಮಸ್ಯೆ ಆಗುವುದಿಲ್ಲ.
ಗುತ್ತಿಗೆ ವೈದ್ಯರಿಗೆ ಕೈ ಮುಗಿದು ಮನವಿ ಮಾಡುತ್ತೇನೆ ಸೇವೆ ಮುಂದುವರೆಸಿ.ಅವರದ್ದು ಎರಡು ಡಿಮ್ಯಾಂಡ್ ಇದೆ ಒಂದು ಸಂಬಳದ್ದು ಇನ್ನೊಂದು ಖಾಯಂ ಆಗಬೇಕು ಎನ್ನುವಂತದ್ದು.
ನಿನ್ನೆ ಸಿಎಂ ಕೂಡ ಕರೆದು ಹೇಳಿದ್ದಾರೆ. ಬೇಡಿಕೆ ಬಗ್ಗೆಯು ಮಾತನಾಡಿದ್ದಾರೆ.ಸಂಬಳ ಹೆಚ್ಚು ಮಾಡಲು ಸಿಎಂ ಕೂಡ ಒಪ್ಪಿದ್ದಾರೆ. ಆದರೆ ಈ ವಿಚಾರ ಕ್ಯಾಬಿನೆಟ್ ಗೆ ಹೋಗಬೇಕಿದೆ. ನಾನು ವೈದ್ಯರ ಜೊತೆ ಇದ್ದೇನೆ. ಅವರ ಬೇಡಿಕೆ ಈಡೇರಿಸುತ್ತೇವೆ ಎಂದು ಸಚಿವರು ಹೇಳಿದ್ದಾರೆ.
Wifi networks and Cisco Health ಪ್ಲಾಟ್ಫಾರ್ಮ್ ನಿಂದಾಗಿ , ಕೋವಿಡ್ ಸೋಂಕಿತರೊಂದಿಗೆ ವ್ಯವಹರಿಸುವ ಇಡೀ ವೈದ್ಯಕೀಯ ತಂಡವನ್ನು ರಕ್ಷಿಸಲು ಸಹಾಯ ಮಾಡುವ ಒಂದು ವೇದಿಕೆಯಾಗಿದೆ.ಹಾಗು ಸೋಂಕಿತರಿಗೆ, ಮಾನಸಿಕ ಸಲಹೆಗಾರರಿಂದ ಭಾವನಾತ್ಮಕ ಬೆಂಬಲವನ್ನು ಪಡೆಯುವುದನ್ನು ಮತ್ತು ವೀಡಿಯೊ ಕಾನ್ಫರೆನ್ಸಿಂಗ್ ಮೂಲಕ ಅವರ ಕುಟುಂಬದೊಂದಿಗೆ ಸಂಪರ್ಕದಲ್ಲಿರಲು ಸಹಾಯ ಮಾಡಲು ಸಿಸ್ಕೋ ವೇದಿಕೆ ಸಹಾಯ ಮಾಡುತ್ತದೆ ಎಂದರು.
ಸಿಸ್ಕೋ ಪರಿಹಾರವು ಕೇವಲ ಐಟಿ ಅಪ್ಲಿಕೇಶನ್ ಆಗಿರದೆ, ಇದು ಆರೋಗ್ಯ ಕಾರ್ಯಕರ್ತರು ಮತ್ತು ವೈದ್ಯರಿಗೆ
1) ಸ್ಕ್ರೀನಿಂಗ್,
2) ಹೋಮ್ ಕ್ಯಾರೆಂಟೈನ್,
3) ಇನ್ಸ್ಟಿಟ್ಯೂಷನ್ ಕ್ವಾರಂಟೈನ್,
4) ಐಸೋಲೇಷನ್
5) ಐಸಿಯು ಕಾರ್ಟ್ ಮತ್ತು ಎಲ್ಲಾ ಐಸಿಯು ಸಲಕರಣೆಗಳಿಗೆ ದೈಹಿಕ ಸಂಪರ್ಕ,
6) ಇದು ರೋಗಿಗಳಿಂದ ತ್ವರಿತ ವೈದ್ಯಕೀಯ ಸೂಚ್ಯಂಕಗಳು (Live Vitals) (ECG, Tempareture, Pulse, ಇತ್ಯಾದಿ) ತೆಗೆದುಕೊಳ್ಳುತ್ತದೆ ಮತ್ತು ಲೈವ್ ವಿಡಿಯೋ ಮೂಲಕ, ರೋಗಿಯ ಪ್ರತಿಯೊಂದು ಅಂಗಗಳ ವಿಶ್ಲೇಷ ನಿಗ್ರಹಣೆ ತ್ವರಿತ ಮತ್ತು ನಿಖರ ಮತ್ತು ಸಮಯೋಚಿತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ವೈದ್ಯರಿಗೆ ಸಹಾಯ ಮಾಡುತ್ತದೆ
7) ಲೈವ್ ವಿಡಿಯೋ ಸೇರಿದಂತೆ ಎಲ್ಲಾ ಹಂತಗಳಲ್ಲಿ ಸಮಾಲೋಚನೆ. ಮತ್ತು ಅಗತ್ಯ ಸಲಕರಣೆಗಳೊಂದಿಗೆ ಆನ್ಲೈನ್ ಚಿಕಿತ್ಸೆಯನ್ನು ಸಿಸ್ಕೋ ಮಾಡುತ್ತದೆ ಎಂದರು.
