ಬೆಂಗಳೂರು: ಭಾರತದ ಅತ್ಯಂತ ವಿಶ್ವಾಸಾರ್ಹ ಬ್ರಾಂಡ್ ಆದ ಸ್ಯಾಮ್‍ಸಂಗ್ ಇಂದು, ಅದ್ಭುತ ವಿನ್ಯಾಸ, ಶಕ್ತಿಶಾಲಿ ಹಿಂಬದಿ ಮೂರು ಕ್ಯಾಮೆರಾ, ಕಣ್ಣುಕುಕ್ಕುವ ಹೊಸ ಬಣ್ಣ ಹಾಗೂ ಶ್ರೇಷ್ಠ ಕ್ಷಮತೆಯ ಗೆಲಾಕ್ಸಿ ಎ7 ಸ್ಮಾರ್ಟ್‍ಫೋನ್ ಬಿಡುಗಡೆ ಮಾಡಿದೆ.

ಗೆಲಾಕ್ಸಿ ಎ7 ಅನ್ನು ಗ್ರಾಹಕರ ಒಳತೋಟಿಯನ್ನು ಆಧರಿಸಿ ಅಭಿವೃದ್ಧಿಪಡಿಸಲಾಗಿದ್ದು, ಪ್ರಸ್ತುತ ಸಹಸ್ರಮಾನದ ಪೀಳಿಗೆಯ ಶೇಕಡ 50ರಷ್ಟು ಭಾರತೀಯರು ತಮ್ಮ ಸ್ಮಾರ್ಟ್‍ಫೋನ್ ಕ್ಯಾಮೆರಾಗಳನ್ನು ಪ್ರತಿದಿನ ಬಳಸುತ್ತಾರೆ. ಅಂತೆಯೇ ಹಿಂಬದಿ ಕ್ಯಾಮೆರಾವನ್ನು ಮುಂಭಾಗದ ಕ್ಯಾಮೆರಾದ ದುಪ್ಪಟ್ಟು ಬಾರಿ ಬಳಸುತ್ತಾರೆ. ಹೊಸ ಮೂರು ಕ್ಯಾಮೆರಾಗಳ ವ್ಯವಸ್ಥೆಯಲ್ಲಿ, ಹೆಚ್ಚುವರಿಯಾಗಿ 8 ಮೆಗಾಪಿಕ್ಸೆಲ್ 120 ಡಿಗ್ರಿ ಅಲ್ಟ್ರಾವೈಡ್ ಲೆನ್ಸ್ ಅಳವಡಿಸಲಾಗಿದ್ದು, ಇದು ಮನುಷ್ಯರ ಕಣ್ಣಿನಷ್ಟೇ ವಿಶಾಲ ಕೋನದ ದೃಷ್ಟಿ ಹರಿಸುತ್ತದೆ. ಇದು ಗ್ರಾಹಕರಿಗೆ ಯಾವುದೇ ನಿರ್ಬಂಧವಿಲ್ಲದ ವಿಶಾಲ ಕೋನದ ಫೋಟೊಗಳನ್ನು ನಾವು ನೋಡುವ ರೀತಿಯಲ್ಲೇ ತೆಗೆಯಲು ಅನುವು ಮಾಡಿಕೊಡುತ್ತದೆ.

24 ಎಂಪಿ ಪ್ರಾಥಮಿಕ ಮತ್ತು ಸೆಲ್ಫಿ ಕ್ಯಾಮೆರಾಗಳು ಕೂಡಾ ಹೊಸ ತಂತ್ರಜ್ಞಾನವಾದ ಪಿಕ್ಸೆಲ್ ಬಿನ್ನಿಂಗ್ ಗುಣಲಕ್ಷಣಗಳನ್ನು ಹೊಂದಿದ್ದು, ಇದು ಸಾಧನವು ತಾನಾಗಿಯೇ ಕಡಿಮೆ ಬೆಳಕಿನ ಸ್ಥಿತಿಯನ್ನು ಪತ್ತೆ ಮಾಡಿ, ಒಂದು ಸೂಪರ್ ಪಿಕ್ಸೆಲ್‍ಗೆ ಹೆಚ್ಚುವರಿಯಾಗಿ ನಾಲ್ಕು ಪಿಕ್ಸೆಲ್‍ಗಳನ್ನು ಜೋಡಿಸುತ್ತದೆ. ಇದು ಸ್ಪಷ್ಟ ಹಾಗೂ ನಿಖರ ಫೋಟೊಗಳನ್ನು ಕತ್ತಲ ವಾತಾವರಣದಲ್ಲಿ ಕೂಡಾ ಸೆರೆ ಹಿಡಿಯಲು ಅನುಕೂಲವಾಗಲಿದೆ. 24 ಎಂಪಿ ಪ್ರಾಥಮಿಕ ಕ್ಯಾಮೆರಾದಲ್ಲಿ 5ಎಂಪಿ ಆಳದ ಲೆನ್ಸ್ ಇದ್ದು ಇದು ಲೈವ್ ಫೋಕಸ್ ಲಕ್ಷಣವನ್ನು ಹೊಂದಿದೆ. ಇದು ಕ್ಷೇತ್ರದ ಆಳವನ್ನು ನಿಯಂತ್ರಿಸಿ, ಬಳಕೆದಾರರು ಫೋಟೊ ಸೆರೆ ಹಿಡಿಯುವ ಅವಧಿಯಲ್ಲಿ ಮತ್ತು ಫೋಟೊ ಸೆರೆ ಹಿಡಿದ ಬಳಿಕ ಕೂಡಾ ಹೊಂದಾಣಿಕೆ ಮಾಡಿಕೊಳ್ಳಲು ಅನುವು ಮಾಡಿಕೊಡುತ್ತದೆ.

ಶೇಕಡ 40ರಷ್ಟು ಮಂದಿ ಸಹಸ್ರಮಾನ ಪೀಳಿಗೆಯ ಭಾರತೀಯರು ತಮ್ಮ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಬಳಸುವ ಮುನ್ನ ಎಡಿಟ್ ಮಾಡುತ್ತಾರೆ ಎಂಬ ಗ್ರಾಹಕರ ಪ್ರವೃತ್ತಿಯನ್ನು ಅರ್ಥ ಮಾಡಿಕೊಂಡು ಅದಕ್ಕೆ ಅನುಗುಣವಾಗಿ ಇದನ್ನು ಅಭಿವೃದ್ಧಿಪಡಿಸಲಾಗಿದೆ. ಇದರ ಜತೆಗೆ ಎ7 ಅತ್ಯದ್ಭುತ ಕ್ಷಮತೆಯ ಪವರ್ ಪ್ಯಾಕ್ ಕೂಡಾ ಹೊಂದಿದೆ. ಗೆಲಾಕ್ಸಿ ಎ7 ಕ್ಯಾಮೆರಾ ಸೆನ್ಸ್ ಆಪ್ಟಿಮೈಸರ್ ಎಂಬ ವಿಶಿಷ್ಟ ಸಾಧನವನ್ನು ಒಳಗೊಂಡಿದ್ದು, ಇದು 19 ಭಿನ್ನ ಚಿತ್ರಣಗಳನ್ನು ಅಂದರೆ ಆಹಾರ, ಹೂವು ಅಥವಾ ಸೂರ್ಯಾಸ್ತದಂಥ ಭಿನ್ನ ಸನ್ನಿವೇಶಗಳನ್ನು ಪತ್ತೆ ಮಾಡಿ, ಅತ್ಯುತ್ತಮ ಚಿತ್ರ ಸಂಯೋಜನೆಯನ್ನು ಸ್ವಯಂಚಾಲಿತವಾಗಿ ಮಾಡಿಕೊಂಡು, ಕ್ಲಿಕ್ಕಿಸುತ್ತದೆ. “ಎಆರ್ ಎಮೋಜಿ” ಲಕ್ಷಣ ಬಳಸಿಕೊಂಡು ವಿಶೇಷ ಅಗತ್ಯತೆಯ ಅವತಾರಗಳನ್ನು ಸೃಷ್ಟಿಸುವ ಮೂಲಕ ಗ್ರಾಹಕರು ತಮ್ಮ ಅಂತರ್ಗತವಾದ ಮೆಸೆಜಿಂಗ್ ಅನುಭವವನ್ನು ವಿಸ್ತೃತಗೊಳಿಸಿಕೊಳ್ಳಬಹುದು. ಸೆಲ್ಫಿ ಕ್ಯಾಮೆರಾದಲ್ಲಿ ತಮ್ಮ ಹಾಗೂ ಹಿಂಬದಿ ಕ್ಯಾಮೆರಾದಲ್ಲಿ ಗೆಳೆಯರ ಫೋಟೊ ಶೂಟ್ ಮಾಡಬಹುದು. ಗ್ರಾಹಕರು ಇದರ ಜತೆಗೆ, ಜಿಐಎಫ್ ಇಮೇಜ್‍ಗಳಿಂದ ಆಯ್ಕೆ ಮಾಡಿಕೊಂಡು ಹೆಚ್ಚು ಸಂತಸದಾಯಕ ಹಾಗೂ ಭಾವನಾತ್ಮಕ ಅನುಭವದ ಚಿತ್ರಗಳನ್ನು ಸೆರೆಹಿಡಿಯಬಹುದು. 25 ಎಂಪಿ ಸೆಲ್ಫಿ ಕ್ಯಾಮೆರಾ, ಪ್ರೊ ಲೈಟಿಂಗ್ ಲಕ್ಷಣವನ್ನೂ ಹೊಂದಿದ್ದು, ಇದರಲ್ಲಿ ಚಿತ್ರಗಳನ್ನು ಬಹು ಬೆಳಕಿನ ಸೆಟ್ಟಿಂಗ್‍ನೊಂದಿಗೆ ಎಡಿಟ್ ಮಾಡಲು ಅವಕಾಶವಿದೆ. ಇದರ ಜತೆಗೆ ವಿಭಿನ್ನ ಹಾಗೂ ವೃತ್ತಿಪರ ಲೇಪವನ್ನು ಸ್ಟುಡಿಯೊ ಫೋಟೊ ಶೂಟ್ ರೂಪದಲ್ಲಿ ಮಾರ್ಪಡಿಸಬಹುದಾಗಿದೆ.

6.0 ಇಂಚುಗಳ ಎಫ್‍ಎಚ್‍ಡಿ+ ಸೂಪರ್ ಅಮೋಲೆಡ್ ಡಿಸ್‍ಪ್ಲೇ ಗೆಲಾಕ್ಸಿ ಎ7ನಲ್ಲಿದ್ದು, ಸ್ಯಾಮ್‍ಸಂಗ್‍ನ ವಿಶಿಷ್ಟ ಐಡೆಂಟಿಡಿ ಡಿಸ್ಲೆ ವ್ಯವಸ್ಥೆ, ಬಳಕೆದಾರರಿಗೆ, ಯಾವುದೇ ಅಡೆ ತಡೆಗಳಿಲ್ಲದ, ಅಗಾಧ ವೀಕ್ಷಣೆಗೆ ಅವಕಾಶ ಮಾಡಿಕೊಡುತ್ತದೆ. ನೈಜ ಎಫ್‍ಎಚ್‍ಡಿ+ ಡಿಸ್‍ಪ್ಲೇ ವ್ಯವಸ್ಥೆ, ಟ್ರಸ್ಟ್ ಝೋನ್ ತಂತ್ರಜ್ಞಾನ ಪ್ರೊಸೆಸರ್‍ನಿಂದ ಚಾಲಿತವಾಗಿದ್ದು, ಇದು ವೈಡ್‍ವೈನ್ ಎಲ್1 ಪ್ರಮಾಣಪತ್ರಕ್ಕೆ ಅವಕಾಶ ಕಲ್ಪಿಸುತ್ತದೆ. ಇದರಿಂದಾಗಿ ಎಲ್ಲ ಜನಪ್ರಿಯ ಸ್ಟ್ರೀಮಿಂಗ್ ಆ್ಯಪ್‍ಗಳು ಎಚ್‍ಡಿ ಅಂಶಗಳನ್ನು ಗೆಲಾಕ್ಸಿ ಎ7ನಲ್ಲಿ ಸುಲಲಿತವಾಗಿ ವರ್ಗಾಯಿಸಲು ಅವಕಾಶ ನೀಡುತ್ತದೆ. ಈ ಸಾಧನವನ್ನು ನೈಜ ದೃಶ್ಯ ಶ್ರವಣ ರಸದೌತಣವನ್ನಾಗಿ ಮಾಡುವ ನಿಟ್ಟಿನಲ್ಲಿ, ಇದನ್ನು ಡಾಲ್ಬಿ ಅಟ್ಮೋಸ್ ವಿಶಿಷ್ಟ ಶಬ್ದ ತಂತ್ರಜ್ಞನಕ್ಕೆ ಪೂರಕವಾಗಿ ಅಭಿವೃದ್ಧಿಪಡಿಸಲಾಗಿದೆ. ಇದು ನೈಜ ಎಚ್‍ಡಿ ಅಂಶಗಳನ್ನು ತಂದುಕೊಡುತ್ತದೆ. ಗೆಲಾಕ್ಸಿ ಎ7 ಒಂದು ಪರಿಪೂರ್ಣ ಶೈಲಿಯ ಅಭಿವ್ಯಕ್ತಿಯಾಗಿದ್ದು, 2.5ಡಿ ಗ್ಲಾಸ್ ಬ್ಯಾಕ್ ವಿನ್ಯಾಸ, 7.5 ಎಂಎಂ ಸ್ಲಿಮ್ ಬಾಡಿ, ಬದಿಯಲ್ಲಿ ಬೆರಳಚ್ಚು ಸೆನ್ಸಾರ್ ಮತ್ತಿತರ ಸೌಲಭ್ಯಗಳನ್ನು ಹೊಂದಿದೆ. ಸೆನ್ಸಾರನ್ನು ವಿದ್ಯುತ್ ಗುಂಡಿಯ ಜತೆಗೆ ಸಮನ್ವಯಗೊಳಿಸಲಾಗಿದ್ದು, ಇದರಿಂದಾಗಿ ಗೊಂದಲಮುಕ್ತ ವಿನ್ಯಾಸ ಸಾಧ್ಯವಾಗಿದೆ.

“ಗೆಲಾಕ್ಸಿ ಎ7ನ ಪ್ರತಿಯೊಂದು ಮುಖದಲ್ಲೂ ವಿನೂತನ ಅಂಶ ಹಾಗೂ ಅನುಶೋಧನೆ ಎದ್ದುಕಾಣುತ್ತದೆ. ತ್ರಿವಳಿ ಕ್ಯಾಮೆರಾದಿಂದ ಹಿಡಿದು, ಅಲ್ಟ್ರಾವೈಡ್ ಶಾಟ್‍ಗಳಿಗೆ ಅನುಕೂಲವಾಗುವ ಲೆನ್ಸ್, ಅತ್ಯುತ್ತಮ ಚಿತ್ರ ಸಂಯೋಜನೆಯನ್ನು ಒದಗಿಸುವ ವಿಶಿಷ್ಟಪೂರ್ಣ ಗುಣಲಕ್ಷಣಗಳು ಇವೆ. ನೈಜ ಎಫ್‍ಎಚ್‍ಡಿ+ ಡಿಸ್‍ಪ್ಲೇ, ಸೂಪರ್ ಅಮೊಲೆಡ್ ಅನಂತ ಡಿಸ್‍ಪ್ಲೇ ಮತ್ತು ವೈಡ್‍ವೈನ್ ಎಲ್1 ಪ್ರಮಾಣಿತ ವಿತರಣಾ ವ್ಯವಸ್ಥೆಯು ಅತಿವಿಶೇಷ ದೃಶ್ಯಾನುಭವವನ್ನು ನೋಡುತ್ತವೆ. ಆಕರ್ಷಕ ಹೊಸ ಬಣ್ಣಗಳು ಮತ್ತು ಬದಿಯಲ್ಲಿ ಬೆರಳಚ್ಚು ಸೆನ್ಸಾರ್ ವ್ಯವಸ್ಥೆಯು, ವಿಶೇಷ ವಿನ್ಯಾಸವನ್ನು ಒದಗಿಸಿದೆ. ಈ ಸಾಧನದೊಂದಿಗೆ, ಭಾರತೀಯ ಸಹಸ್ರಮಾನದ ಪೀಳಿಗೆಯ ಕಲ್ಪನೆಯನ್ನು ನಾವು ಸೆರೆಹಿಡಿಯಲು ಸಾಧ್ಯವಾಗುತ್ತವೆ ಎಂಬ ವಿಶ್ವಾಸ ನಮಗಿದೆ. ಜತೆಗೆ ಹಬ್ಬಗಳ ಋತುವಿಗೆ ಮತ್ತಷ್ಟು ಸಡಗರವನ್ನು ಸೇರಿಸಲು ಸಾಧ್ಯವಾಗುತ್ತದ ಎಂಬ ವಿಶ್ವಾಸವಿದೆ” ಎಂದು ಸ್ಯಾಮ್‍ಸಂಗ್ ಇಂಡಿಯಾ ಮೊಬೈಲ್ ವ್ಯವಹಾರದ ಪ್ರಧಾನ ವ್ಯವಸ್ಥಾಪಕ ಆದಿತ್ಯ ಬಬ್ಬರ್ ಹೇಳಿದ್ದಾರೆ.

ಗೆಲಾಕ್ಸಿ ಎ7 ಮಧ್ಯಮ ಶ್ರೇಣಿಯ ವಲಯದಲ್ಲಿ ಇತ್ತೀಚೆಗೆ ಅನಾವರಣಗೊಂಡ ಜೆ6+ ಮತ್ತು ಗೆಲಾಕ್ಸಿ ಜೆ4+ನೊಂದಿಗೆ ಸ್ಯಾಮ್‍ಸಂಗ್‍ನ ಅಗ್ರಗಣ್ಯ ಪಟ್ಟವನ್ನು ಮತ್ತಷ್ಟು ಬಲಗೊಳಿಸಲು ನೆರವಾಗುತ್ತದೆ. ಈ ಸಾಧನವು ಹಬ್ಬದ ಋತುವಿಗೆ ಮುಂಚಿತವಾಗಿ ಬಂದಿದ್ದು, ಗ್ರಾಹಕರಿಗೆ ಮತ್ತಷ್ಟು ಸವಿ ನೀಡಲಿದೆ.

ಕ್ಷಮತೆಯ ವಿಚಾರಕ್ಕೆ ಬಂದರೆ ಗೆಲಾಕ್ಸಿ ಎ7 ಅತ್ಯಂತ ವಿಶಿಷ್ಟವಾಗಿದೆ. ಗೆಲಾಕ್ಸಿ ಎ7ಗೆ ಸ್ಯಾಮ್‍ಸಂಗ್ ಎಕ್ಸಿನೋಸ್ 7885 2.2 ಗಿಗಾಹಟ್ರ್ಸ್ ಆಕ್ಟೊಕೋರ್ ಪ್ರೊಸೆಸರ್ ಶಕ್ತಿ ತುಂಬಿದೆ. ಈ ಸಾಧನವು 6 ಜಿಬಿ ಆರ್‍ಎಮ್/ 128 ಜಿಬಿ ಆರ್‍ಓಎಂ ಮತ್ತು 4 ಜಿಬಿ ರ್ಯಾಮ್ ಹಾಗೂ 64 ಜಿಬಿ ಆರ್‍ಓಎಂ ಅವತರಣಿಕೆಯಲ್ಲಿ ಲಭ್ಯ. ಇದನ್ನು 512 ಜಿಬಿ ವಿಸ್ತರಿಸಬಹುದಾದ ಮೆಮೊರಿ ಮತ್ತು ಉದ್ಯಮದಲ್ಲೇ ಮೊಟ್ಟಮೊದಲನೆಯದು ಎನಿಸಿದ “ಇನ್‍ಸ್ಟಾಲ್ ಆ್ಯಪ್ಸ್ ಟೂ ಮೆಮೊರಿ ಕಾರ್ಡ್” ವೈಶಿಷ್ಟ್ಯವನ್ನು ಹೊಂದಿದೆ. ಈ ಸಾಧನ 3300 ಎಂಎಎಚ್ ಬ್ಯಾಟರಿಯ ಶಕ್ತಿಯನ್ನು ಹೊಂದಿದ್ದು, ಆ್ಯಂಡ್ರಾಯ್ಡ್ ಒರೆಯೊ ಆಪರೇಟಿಂಗ್ ಸಿಸ್ಟಂ ಇರುತ್ತದೆ.

ಆಫರ್‍ಗಳು, ಬೆಲೆ ಮತ್ತು ಲಭ್ಯತೆ

ಗೆಲಾಕ್ಸಿ ಎ7 ಶ್ರೇಣಿಯ ಬೆಲೆ 23,990 (4ಜಿಬಿ/64 ಜಿಬಿ ಅವತರಣಿಕೆ) ಮತ್ತು 28,990 (6ಜಿಬಿ/ 128 ಜಿಬಿ ಅವತರಣಿಕೆ) ಇದ್ದು, ಸ್ಟೈಲಿಶ್ ಬಣ್ಣಗಳಾದ ನೀಲಿ, ಕಪ್ಪು ಮತ್ತು ಚಿನ್ನದ ಬಣ್ಣದಲ್ಲಿ ಲಭ್ಯ.

ಎಚ್‍ಡಿಎಫ್‍ಸಿ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಮೂಲಕ ಪಾವತಿಸುವ ಗ್ರಾಹಕರಿಗೆ 2000 ರೂಪಾಯಿ ಕ್ಯಾಶ್‍ಬ್ಯಾಕ್ ಸೌಲಭ್ಯ ಸಿಗುತ್ತದೆ.

ಬಹುನಿರೀಕ್ಷಿತ ಗೆಲಾಕ್ಸಿ ಎ7ಯ ಬಿಡುಗಡೆಯನ್ನು ಸೆಪ್ಟೆಂಬರ್ ಕೊನೆಗೆ ಮಾಡಲು ನಿರ್ಧರಿಸಿದ್ದು, ಎಲ್ಲ 18 ಸಾವಿರ ಮಳಿಗೆಗಳಲ್ಲಿ ಲಭ್ಯವಿರುತ್ತದೆ. ಗ್ರಾಹಕರಿಗೆ ಮೊದಲೇ ಲಭ್ಯವಾಗುವಂತೆ ಮಾಡುವ ಸಲುವಾಗಿ ಈ ಸಾಧನವು ಸೆಪ್ಟೆಂಬರ್ 27 ಮತ್ತು 28ರಂದು ವಿಶೇಷ ಮುಂಗಡ ಮಾರಾಟ ವ್ಯವಸ್ಥೆ ಫ್ಲಿಪ್‍ಕಾರ್ಟ್, ಸ್ಯಾಮ್‍ಸಂಗ್ ಇ-ಶಾಪ್ ಮತ್ತು ಬೆಂಗಳೂರಿನ ಸ್ಯಾಮ್‍ಸಂಗ್ ಒಪೇರಾ ಹೌಸ್‍ನಲ್ಲಿ ಇರುತ್ತದೆ.