ಬೆಂಗಳೂರು: ಸಚಿವರಾಗಿ ಬಂದವರು ತಮಗೆ ಸಿಗುವ ವಿಧಾನಸೌಧದ ಕೊಠಡಿಗಳ ಗೋಡೆಗಳನ್ನು ನವೀಕರಣದ ಹೆಸರಿನಲ್ಲಿ ಒಡೆಯುವುದಕ್ಕೆ ಸಧ್ಯದಲ್ಲೇ ಬ್ರೇಕ್ ಬೀಳಲಿದೆ,ವಿಧಾನಸೌಧವನ್ನು ಪಾರಂಪರಿಕ ಕಟ್ಟಡ ಅಂತಾ ಘೋಷಣೆ ಮಾಡಲು ವಿಧಾನ ಪರಿಷತ್ ಸಮ್ಮತಿ ನೀಡಿದೆ.
ವಿಧಾನ ಪರಿಷತ್ ಕಲಾಪದಲ್ಲಿ ಬಜೆಟ್ ಮೇಲೆ ಚರ್ಚೆ ನಡೆಯುವಾಗ ಹೊಸ ಸಚಿವರ ನೇಮಕ ವೇಳೆ
ವಿಧಾನಸೌಧದಲ್ಲಿ ಸಚಿವರ ಕೊಠಡಿ ನವೀಕರಣ ವಿಚಾರ ಪ್ರಸ್ತಾಪವಾಯಿತು.ಬೇಕಾದ ಹಾಗೇ ಕೊಠಡಿ ಒಡೆಯುತ್ತಾರೆ ಅಂತ ಕಾಂಗ್ರೆಸ್ ನ ಗೋವಿಂದರಾಜ್ ಪ್ರಸ್ತಾಪ ಮಾಡಿ ವಿಧಾನಸೌಧವನ್ನು ಹೆರಿಟೇಜ್ ಬಿಲ್ಡಿಂಗ್ ಅಂತ ಘೋಷಣೆ ಮಾಡಬೇಕು ಎಂದ್ರು.
ಗೋವಿಂದರಾಜ್ ಮಾತಿಗೆ ಬೆಂಬಲ ಪಕ್ಷಾತೀತವಾಗಿ ಎಲ್ಲ ಸದಸ್ಯರು ಬೆಂಬಕ ವ್ಯಕ್ತಪಡಿಸಿದ್ರು.ಹಂಗಾಮಿ ಸಭಾಪತಿ ಹೊರಟ್ಟಿ ಕೂಡಾ ವಿಧಾನಸೌಧದ ಕಟ್ಟಡ ಘನತೆಗೆ ಧಕ್ಕೆ ತರುವ ವಿಚಾರಕ್ಕೆ ಬೇಸರ ವ್ಯಕ್ತಪಡಿಸಿದ್ರು. ವಿಧಾನಸೌಧ ಕಟ್ಟಡವನ್ನು ಹೆರಿಟೇಜ್ ಬಿಲ್ಡಿಂಗ್ ಅಂತ ಘೋಷಣೆ ಮಾಡುವುದು ಅವಶ್ಯಕವಾಗಿದೆ.ಸದನದ ಸದಸ್ಯರು ಒಪ್ಪಿಕೊಂಡ್ರೆ ಈ ಬಗ್ಗೆ ಒಮ್ಮತದ ನಿರ್ಧಾರ ತಗೆದುಕೊಳ್ಳಬಹುದು ಎಂದ್ರು.ಸಭಾಪತಿ ಹೊರಟ್ಟಿ ಮಾತಿಗೆ ಎಲ್ಲ ಸದಸ್ಯರು ಸಮ್ಮತಿಸಿದ್ರು.ಹೀಗಾಗಿ ಸಧ್ಯದಲ್ಲೇ ಈ ಕುರಿತು ಪ್ರಸ್ತಾವನೆ ವಿಧಾನಸಭೆಯಲ್ಲೂ ಮಂಡನೆಯಾಗಿ ಶೀಘ್ರದಲ್ಲಿ ಪಾರಂಪರಿಕ ಕಟ್ಟಡದ ಘೋಷಣೆ ಹೊರಬೀಳಲಿದೆ.
ಇದೇ ವೇಳೆ ವಿಧಾನಸೌಧದ ಶೌಚಾಲಯ ರೂಂ ನಲ್ಲಿ ಉಪಹಾರ ಗೃಹ ನಿರ್ಮಿಸಿದ ವಿಚಾರ ಪ್ರಸ್ತಾಪಿಸಿದ ಉಗ್ರಪ್ಪ
ಶೌಚಾಲಯದಲ್ಲಿ ಉಪಹಾರ ಗೃಹ ನಿರ್ಮಿಸಿದ್ದಾರೆ ಶಾಸಕರಿಗೆ ಆಸನ ನಿಗದಿಪಡಿಸಿದ್ರು ಎಲ್ಲರ ಪ್ರವೇಶಕ್ಕೆ ಅವಕಾಶ ನೀಡಿದ್ದಾರೆ ಇದ್ರಿಂದ ನಮಗೆ ಮಧ್ಯಾಹ್ನದ ಊಟಕ್ಕೆ ಹೋಗಲು ತೊಂದರೆಯಾಗುತ್ತಿದೆ ಎಂದ್ರು.ಶಾಸಕರ ಭವನದ ಅವ್ಯವಸ್ಥೆ ಬಗ್ಗೆಯೂ ಸದನದಲ್ಲಿ ಬೆಳಕು ಚೆಲ್ಲಿದ್ರು.
